GJKKO ka pranuar ankesën e eurodeputetit, ish-kreut të bashkisë Himarë Fredi Belerit për shfuqizimin e vendimit të datës 27.12 .2024 të SPAK dhe urdhërimin e regjistrimit të procedimit penal për veprën penale të kallëzuara dhe kryerjen e veprimeve hetimore ndaj ish-ministres së jashtme Olta Xhaçka dhe bashkëshortit të saj Artan Gaçe.
Gazetarja e News24, Klodiana Lala thotë se GJKKO përmes një shkrese duke pranuar ankesën e Belerit, i kërkon SPAK të regjistrojë procedimin penal për vazhdimin e hetimeve për veprën penale “shpërdorim detyre”, falsifikim dokumentash dhe pastrim i produkteve të veprës penale kryer në bashkëpunim për Xhaçkën e Gaçen.
Më tej në shkresë thuhet se kundër këtij vendimi mund të apelohet në Apelin e GJKKO brenda 10 ditëve duke filluar nga e nesërmja e këtij njoftimi
