Deputetja e Lidhjes Demokratike të Kosovës (LDK), Jehona Lushaku-Sadriu, ka komentuar emërimin e Shkëmb Manajt si nënkryetar i Komunës së Prishtinës, duke mohuar se ai është shpërblyer me këtë post.
Sipas saj, Manaj ka qenë një figurë kyçe në zyrën ligjore të Komunës dhe një nga këshilltarët më të afërt të kryetarit Përparim Rama.
Ajo në emisionin Pressing në T7 thekson se ai ka garuar me pritshmërinë për të fituar një ulëse, por gjithashtu ka qenë favorit për të mbetur në administratën komunale.
“Shkëmbi ka qenë njëri prej njerëzve krucialë që është marrë me zyrën ligjore, ka qenë njëri prej këshilltarëve, dora e djathtë e Ramës. Shkëmbi ka garu me mendimin që ka me hy, po përndryshe Shkëmbi ka qenë favorit për me mbet në Komunë. Kjo ka qenë, në fatkeqësi është emru, nuk është ky far shpërblimi,” ka deklaruar Lushaku-Sadriu.
Emërimi i Manajt ka ngjallur reagime në opinionin publik, me disa që e kanë parë si shpërblim nga partia e tij për “mbyllje goje” pasi ai humbi mandatin e deputetit.
