Sikurse sot edhe nesër qysh herët në mëngjes duke filluar nga ora 08:00 aktivistët e grupit ‘’Asnji cent ma shumë’’ do të protestojnë para zyrtave të ZRrE-së.
Kështu është bërë e ditur nga ana e tyre përmes një postimi në rrjetin social në Facebook.
‘’Pas sulmit brutal ndaj aktivistëve/eve dhe mbrojtjes së hapur që shteti po i bën interesave të KEDS-it, ne nuk do të ndalemi. Asnjë rrahje, asnjë arrestim dhe asnjë presion nuk na ndalë ta kërkojmë të drejtën tonë.Nesër, e enjte, në orën 08:00, do të jemi sërish te zyrat e ZRrE-së për të vazhduar bllokadën’’ thuhet në njoftim.
Ata kanë ftuar edhe qytetarët tjerë që t’iu bashkohen në këtë nismë.
Theksojmë se të shtunën me 5 prill duke filluar nga ora 15:00 pritet të organizohet protestë kundër shtrajtimit të çmimit të energjisë elektrike.
