Milani dhe Interi barazuan në ndeshjen e parë gjysmëfinale të Kupës së Italisë me rezultat 1-1.
Pas një pjese të parë pa gola, ku nuk munguan rastet, pjesa e dytë ishte më interesante.
Tammy Abraham, vetëm dy minuta pasi nisi pjesa e dytë, u dha kuqezinjve një epërsi që nuk zgjati shumë.
Ishte minuta e 67-të kur ish-lojtari i Milanit, Hakan Calhanoglu shënoi golin e barazimit për Nerazzurrët.
Nuk pati asnjë ndryshim në rezultat deri në fund dhe rezultati mbeti 1-1.
Finalja do të vendoset pas ndeshjes së dytë të rivalëve të qytetit. Ndeshja e kthimit është planifikuar të zhvillohet më 23 prill në orën 21:00, me Interin mikpritës.
