Policia e Kosovës, ka publikuar fotot dhe të dhënat e personave për dy të dyshuar, që po kërkohen për veprën penale ‘kultivim i bimës së hashashit, shkurres së kokainës ose bimëve të kanabisit’ .
Po ashtu, ata dyshohen edhe për veprën penale blerja, shpërndarja dhe shitja e paautorizuar e narkotikëve, substancave psikotrope dhe analoge.
Nga policia është bërë e ditur se personat që po kërkohen janë Klodian Qokli, dhe Shkëlqim Xhija, të dy shtetas të Shqipërisë.
Komunikata:
KËRKOHET TË PUBLIKOHEN NË MEDIA
Me autorizim të prokurorit të Shtetit dhe numër rasti në Polici shpallen në KËRKIM nga Policia e Kosovës, duke publikuar fotot dhe të dhënat e personave të dyshuar, nën dyshimin e bazuar se të njëjtit duke bashkëpunuar dhe duke bashkëvepruar kanë kryer veprën penale ‘kultivim i bimës së hashashit, shkurres së kokainës ose bimëve të kanabisit’ nga neni 272 paragrafi 1, lidhur me nenin 77 dhe nenin 275 par.1 nen par. 1.1 dhe 1.9 të KPRK-së dhe veprën penale ‘blerja, shpërndarja dhe shitja e paautorizuar e narkotikëve, substancave psikotrope dhe analoge’, vepër kjo e sanksionuar sipas nenit par.1 lidhur me nenin 77 dhe nenin 275 par. 1 nënpar.1.1 dhe 1.9 të KPRK-së.
Personat që kërkohen janë:
-Klodian Qokli, i lindur me datën 02.05.1989 në Elbasan, rr. “Naim Frashri”, ndërtesa 16, H/1 , Cërrik 3007, shtetas i Republikës së Shqipërisë.
Gjendet në arrati.
-Shkëlqim Xhija, i lindur me datën 16.05.1987 në Elbasan, me vendbanim në Cërrik-Elbasan, shtetas i Republikës së Shqipërisë.
Gjendet në arrati.
Për informata lidhur me personat në kërkim mund të na njoftoni në:
Telefon fiks dhe mobil: 192 ose 038 550 999.
Të gjitha thirrjet në numrin 080019999 janë anonime, pa pagesë dhe konfidenciale.
Ju mund t’i dërgoni informatat tuaja edhe në adresën elektronike [email protected].
Si dhe përmes aplikacionit Lajmëro Policinë.
