Pas dy ditëve të samitit ministror të NATO-s në Bruksel, Sekretari i Përgjithshëm i NATO-s, Mark Rutte, në një deklarim ka thënë se “konsensusi nga diskutimet e këtyre dy ditëve është se ndërsa bota bëhet më e rrezikshme, ne kemi nevojë për NATO-n më shumë se kurrë”.
Ai thotë se NATO-ja “përballet me kërcënime reale për sigurinë tonë, më të drejtpërdrejta nga Rusia, por edhe nga të tjerët, shtetërorë dhe joshtetërorë në veriun e lartë, nga jugu, në krahun lindor dhe në hapësirën kibernetike”.“Cilatdo qofshin sfidat me të cilat përballemi, ne duhet të sigurohemi që kemi forcat dhe aftësitë e nevojshme për të penguar agresionin dhe për të mbrojtur veten nëse dikush bën gabimin duke sulmuar”, thotë ai, duke u zotuar se do të vazhdojnë të rrisim shpenzimet e NATO-s.
Duke folur për Ukrainën, Rutte thotë se aleatët “siguruan” ministrin e Jashtëm të vendit Andrii Sybiha për mbështetjen e tyre të vazhdueshme “sot dhe për të ndihmuar në ndërtimin e forcave të saj të armatosura për të ardhmen”.
Ai thotë se NATO-ja mbështet shtytjen e SHBA-së për paqe dhe përpjekjet e mëtejshme “të udhëhequra nga Franca dhe Britania e Madhe” për të ofruar garanci të udhëhequra nga Europa, shkruan The Guardian, transmeton Informim.net
Ai shton gjithashtu se ministrat e NATO-s u takuan me shefen e politikës së jashtme të BE-së Kaja Kallas për të biseduar rreth planeve të BE-së për të rritur shpenzimet e mbrojtjes.
Ai e mbyll fjalën e tij duke e shënuar 76-vjetorin e formimit të NATO-s
