Kryetari ASH-së, Ziadin Sela dhe deputetja, Ilire Dauti sot në Tiranë takuan presidentin e Republikës së Shqipërisë, Bajram Begaj.
Gjatë bisedës, ata diskutuan për shqetësimet e përbashkëta që lidhen me situatën e shqiptarëve në Maqedoninë e Veriut, zhvillimet politike në vendet e rajonit dhe më gjerë.
Bashkëbiseduesit u dakorduan për rëndësinë e bashkëveprimit të ngushtë midis shtetit amë dhe faktorëve politikë në trojet shqiptare, duke theksuar se ky bashkëpunim është jetik për të arritur qëllimet e përbashkëta dhe për të siguruar një të ardhme më të qëndrueshme për shqiptarët në rajon.
“Roli i shqiptarëve në Ballkan është kyç për stabilitetin dhe progresin e rajonit, andaj bashkëveprimi ynë me shtetin amë dhe faktorin politik në trojet tona është jetik”, thuhet në njoftimin e ASH-së.
