Është mbajtur këtë të hënë seanca gjyqësore për inceneratorin e Tiranës. Ky proces ka të bëjë me 8 zyrtarë të pandehur, të cilët akuzohen për veprën penale të shpërdorimit të detyrës.
GJKKO ka njoftuar se vendimi do të merret më 16 prill në orën 13:00.
Të akuzuarit kërkojnë pafajësinë, mes tyre janë edhe ish-drejtori Taulant Tushe dhe ish-ministri Lefter Koka.
Ashtu si Taulant Tusha edhe i pandehuri Namik Simixhi, një nga anëtarët e komisionit të vlerësimit të ofertave, kërkoi pafajsinë, për akuzën e shpërdorimi të detyrës, për të cilën SPAK kërkoi 4 vite burg.
Avokati Ermir Beta, mbrojtës ligjor i Namik Simixhiut, tha se klienti i tij vuan nga sëmundje kronike, e prej dy vitesh mbahet në qeli, ndërsa pretendon se pretenca ndaj Simxhiut është paradoksale:
“Mbahet 2 vite në burg një 68 vjeçar, me një veshkë, vuan dhe nga disa sëmundje. Nga këto rrethana ai ka e ka të vështirë të ishte dhe sot këtu para gjykatës ,por edhe për shkak të moshës të dalë para gjykatës. Po ju dorëzoj letrën e të mbrojturit prej meje që kërkon të shpallet i pafajshëm për akuzën e shpërdorimit të detyrës. E çuditshme si prokurori kërkon dënim njësoj si për ministrin si për specialistin fundor”,-u shpreh avokati gjatë seancës.
Pas përfundimit të mbrojtjes, gjykata pritet të shpallë vendimin për 8 të pandehurit, për të cilët SPAK kërkoi në total dënimin me 26 vite burg.
