Dy persona kanë përfunduar në pranga në Prishtinës, pasi që të njëjtëve policia iu ka gjetur 428,5 gramë marihuanë mbrëmjen e së dielës.
Siç thuhet në njoftimin e Policisë së Kosovës për të hënën, të njëjtëve iu janë kapur edhe peshore për matjen e substancave narkotike dhe qese të zbrazëta për paketimin e tyre.
Njoftimi i Policisë
“POSEDIM I SUBSTANCAVE NARKOTIKE- Rr. Ismajl Dumoshi, Prishtinë / 13.04.2025 – 20:30. Janë arrestuar dy të dyshuar meshkuj kosovarë për shkak se gjatë kontrollit tek të njëjtit janë gjetur dhe sekuestruar 428.5 gramë substancë e dyshuar narkotike e llojit marihuanë, një peshore për matjen e substancave narkotike dhe disa qese të zbrazëta që shërbejnë për paketimin e substancave narkotike”, thuhet në njoftim.
Me vendim të prokurorit, njëri nga të dyshuarit pas intervistimit është liruar në procedurë të rregullt, ndërsa i dyshuari tjetër është dërguar në mbajtje.
