Presidenti turk, Recep Tayyip Erdogan ka dënuar luftën e vazhdueshme të Izraelit në Gaza, duke e quajtur heshtjen globale “ndaj mizorive” një “kolaps moral”.
Erdogan edhe një herë ka theksuar mbështetjen e palëkundur të Turqisë për popullin palestinez.
“Mbrojtja e çështjes palestineze nuk është vetëm të qëndrosh me një popull të shtypur. Ka të bëjë me mbrojtjen e njerëzimit, paqes dhe drejtësisë”, tha Erdogan, raporton TRT,
Që nga 7 tetori 2023, mbi 51,000 palestinezë janë vrarë nga sulmet izraelite në Gaza, sipas Ministrisë palestineze të Shëndetësisë.
Dhe këto sulme, Erdogan i përshkroi si “një furi dhune”, duke akuzuar qeverinë izraelite për vrasjen pa dallim të civilëve – duke përfshirë fëmijë, gra, të moshuar dhe madje edhe foshnja.
Ndërkaq, presidenti turk kritikoi edhe fuqitë perëndimore për atë që ai e quajti mosveprim hipokrit
