Legjenda e Arsenalit, Ian Wright ka lavdëruar Declan Rice, duke e quajtur atë një nga tre mesfushorët më të mirë në botë pas një paraqitjeje të jashtëzakonshme për Topçinjtë në Ligën e Kampionëve.
Duke folur për paraqitjet e tij të fundit, veçanërisht në fitoret e njëpasnjëshme të Arsenalit, Wright goditi kritikët, duke treguar për përmirësimin e vazhdueshëm dhe shkathtësinë e Rice.
“Askush nuk mund ta vërë në dyshim Declan Rice. Ju i shihni të gjithë këta podkasterë që nuk respektojnë, por Declan Rice, gjatë dy ndeshjeve, absolutisht e fshiu fushën me atë ekip me performancën e tij. Ishte një shfaqje ku po shikon një lojtar dhe po mendon: po, ne e dimë se ai është i mirë dhe po përmirësohet”, ka thënë fillimisht Wright.
“Ne pamë dy golat për Arsenalin javën e kaluar që nuk i kemi parë më parë. Ne kemi parë në baza javore se ai thjesht po përmirësohet dhe po përmirësohet në çdo pozicion që i kërkohet të luajë, nëse është përplasja në zonë, qoftë si gjashtë, qoftë si tetësh”.
“Ai ishte kudo! Ai ishte kudo! Ai ishte kudo! Ndërsa ne jemi këtu tani, ai është në tre mesfushorët më të mirë në botë”, përfundoi ish-ylli anglez.
