Mbrojtësi koreano-jugor i Bayern Munichut, Kim Min-jae , është përballur me kritika të rënda pas daljes së klubit nga Liga e Kampionëve kundër Interit, veçanërisht për shkak të dy gabimeve vendimtare në barazimin 2-2 në ndeshjen e kthimit çerekfinale.
Sipas BILD, Kim nuk konsiderohet më i pashitshëm nga klubi.
Nëse një ofertë e përshtatshme, rreth 50 milionë euro, vjen në verë, Bayern mund të jetë i hapur për ta shitur atë
Kim, i cili ka luftuar me probleme të vazhdueshme me tendinën e Akilit, u ul në stol gjatë fitores 4-0 të Bayern kundër Heidenheim.
Me vetëm disa ndeshje të mbetura në sezon, Kim duhet ta përdorë këtë kohë për të provuar veten në Bayern ose për të shfaqur talentet e tij para kërkuesve të mundshëm.
Nuk përjashtohet një rikthim i tij në Serie A, ku Juventus, Inter e Roma e duan atë.
Por për Kim interesim ka edhe nga Liga Premier me Liverpool, Chelsea e Man Utd që kërkojnë transferimin e mbrojtësit
