Drejtoria e Arsimit në Prishtinë ka vendosur që të gjitha aktivitetet jashtëkurrikulare, si mbrëmjet e maturës dhe shëtitjet t’i pezullojë përkohësisht. Drejtues të shkollave në kryeqytet thanë se vendime të tilla nuk mund të merren aty për aty, teksa nxënësit u shprehën të zhgënjyer
Të gjitha aktivitetet jashtëkurrikulare, si mbrëmjet e maturës, semimaturës, ekskursionet e ditët e shkollave, Drejtoria e Arsimit në Prishtinë ka vendosur t’i pezullojë përkohësisht.
Gjatë së mërkurës, nga kjo drejtori nuk ofruan shpjegime për vendimin, e në njoftimin e një dite më parë thuhet se ajo po harton një draftrregullore për përcaktim të qartë të këtyre organizimeve.
Drejtori i gjimnazit “Ahmet Gashi”, Haxhi Metaj, tha se për pezullimin e këtyre aktiviteteve janë informuar të martën përmes emailit dhe pa konsultim paraprak. Sipas tij, vendime të tilla nuk mund të merren aty për aty
