Edhe një ditë e keqe për Cristiano Ronaldon dhe Al Nassr, pasi janë eliminuar nga Liga e Kampionëve të AFC-së në fazën gjysmëfinale.
Al Nassr u eliminua nga ekipi japonez Kawasaki pas një përplasjeje drithëruese në stadiumin “Prince Faisal bin Fahd Sports City”.
Ronaldo dështoi të shënonte për të ndihmuar ekipin e tij, me Sadio Mane dhe Ayman Yahya që shënuan golat për Al Nassr në humbjen e tyre 3-2.
Cristiano dhe skuadra e tij tani ka të ngjarë ta përfundojnë sezonin pa trofe, pasi janë 8 pikë prapa liderëve Al Ittihad në Superligën e Arabisë Saudite.
Por një ekip saudit dhe një lojtar shqiptar do të jenë në finale, pasi Ezgjan Alioski me ekipin e tij, Al Ahlin, kanë zënë vend në ndeshjen për trofeun, pas fitores 3-1 ndaj Al Hilalit, një ditë më herët.
Ish-futbollisti i Young Boysit e kompletoi ndeshjen, ndërsa është shprehur shumë i lumtur që do të luajë në finalen e 3 majit
