Shkruan: Albert Prenkaj
Papa Leo XIV në komunikimin e parë Urbi et Orbi si një Augustinist tha se “Kisha do të vazhdoj ecejakjen…”
Në konstelacion të ri të Rendit të Ri Botërorë, roli i Papa Leonit XIV do të jetë ndërmjetësues, pacifikues, ashtu siç e potencoj në drejtimin e tij të parë Urbi et Orbi.
Papa i ri që vie nga SHBA me lidhje të forta me botën latino-amerikane. Një aspekt kognitiv që kupton dinamikat, zhvillimet determinuese në mes hemisferave strategjike, për çfarë duhet dhënë përgjegje…
Si kardinal i emëruar nga Papa Françesku, një Augustinist, ka përcaktuar misionin e tij.
Meqë civilizimi modern ka kaluar në epokën e dominimit të inteligjencës artificiale kur njeriu modern ka marr kontrollin gati absolut mbi natyrën dhe dukurit natyrore, Papa tashmë është i sfiduar seripzisht.
Zhvendosja e paradigmave që tashmë po ndodhë që hapë shumë tema tabu, përplasja e civilizimeve, janë tema serioze me të cilat do të vallafaqohet Papa Leoni XIV.
Sa i përket botës shqiptare, Papa i ri, mendoj se do të ketë mision të posaçëm, ashtu siç kishin paraardhësit e tij: Papa Gjoni XXIII, Papa Gjon Pali II-të, Papa Françesku.
Në kuadër të Sinodit Papal, Kishës Shqiptare i mungojnë dy kardinal, një nga konferenca ipeshkvore e Shqipërisë dhe një nga ipeshkvija e Kosovës. Një aqipeshkvi e re e Kosovës, si vazhdimësi e adminstraturës Papale është imperativ i momentit historik. Një kishë lokale në shërbim të ekumenizmit dhe dialogut ndërfetar.
Në aspektin sekular, Papa Leoni XIV do të mund të realizoj atë që e kishte paralajmëruar Papa Françesku, pra vizitën baritore në Kosovë, që do të ishte një rrugëtim që do të ishte njohje de jure e shumëpritur nga populli martir i Kosovës.
Një njohje e rrugëtimit historik të popullit të Kosovës drejt lirisë dhe njohjes si popull i pavarur me një trashëgimi historike që është storje më vete.
Pa dyshim se Papa Leo i XIV do të ketë mision sfidues si në aspektin kishtar, dhe në atë sekularë.
