Një burrë dyshohet se ka plagosur me thikë gruan e tij e më pas e ka qëlluar me thikë edhe veten. Nga plagët e shkaktuara vetës, burri ka vdekur.
Merret vesh se personi që u gjet i vdekur është stilisti i njohur kosovar Festim Isufi.
Isufi fillimisht dyshohet se qëlloi gruan e tij një Tiktokere e njohur. Ngjarja nisi te një Klinikë Dentare në Prishtinë. Pa sulmit ndaj gruas, i njëjti dyshohet se i shkaktoi plagë vdekjeprurëse edhe vetes. Ai u gjet pa shenja jete në banesën e tij në rrugën B.
Festim Isufi ka qenë dizajneri i parë shqiptar që prezantoi koleksionin e tij prej 20 veshjeve “Haute Couture” në Javën e Modës në Paris, në Ritz Paris, në shtëpinë e Coco Chanel, ku kanë prezantuar koleksionet e tyre dizajneret me të famshëm botëror.
Rastin e ka konfirmuar zëdhënësja e Policisë së Kosovës, Flora Ahmeti.
“Rreth orës 15:00 është raportuar për dy persona të lënduar në një ndërtesë në rrugën “B” në Prishtinë. Me të marrë informatën policia ka dalë në vendin e ngjarjes duke filluar menjëherë me ndërmarrjen e veprimeve hetimore me synim sqarimin e rrethanave të rastit. Në vendin e ngjarjes janë ftuar edhe mjekët emergjent të cilët kanë konstatuar vdekjen e njërit prej personave të lënduar, mashkull, 34 vjeç, ndërsa e lënduara femër, 30 vjeçare është dërguar për tretman mjekësor.”, tha ajo.
