Teksa procesi i numërimit të votave vijon në qarkun e Tiranës, të dhënat e deritanishme tregojnë një rënie të ndjeshme të mundësive që Ilir Meta, kreu i Partisë së Lirisë, aktualisht në paraburgim, të sigurojë një mandat deputeti në Kuvendin e ri.
Me rreth 30% të kutive të votimit të numëruara në qarkun e Tiranës, Partia Demokratike dhe ASHM ka siguruar 14 mandate, duke përfshirë 12 emrat e listës së mbyllur dhe dy të tjerë që pritet të përcaktohen nga lista e hapur përmes votës preferenciale.
Sipas të dhënave zyrtare, në zonën e Vorës ku u zhvillua dhe numërim elektronik, Ilir Meta ka marrë vetëm 94 vota preferenciale, duke u renditur i 11-ti në listë, ndërsa në Njësinë nr. 10 ai ka marrë 246 vota, duke u renditur i treti.
Nëse ky trend vazhdon në pjesën e mbetur të kutive duket se karriera parlamentare e Metës do të ndërpritet për herë të parë pas dekadash në politikën shqiptare
