Meta njoftoi dy veçori të reja të dizajnuara për të ndihmuar personat e verbër ose me shikim të dobët, duke shfrytëzuar kamerën e syzeve inteligjente Ray-Ban Meta dhe qasjen e saj në Meta AI. Lajmi u bë i ditur si pjesë e Ditës Globale të Ndërgjegjësimit për Qasjeshmërinë.
Duke filluar të shpërndahet për të gjithë përdoruesit në SHBA dhe Kanada gjatë javëve në vijim, Syzet e mençura Meta AI tani mund të personalizohen për të ofruar përshkrime më të detajuara të asaj që ndodhet përpara përdoruesve. Në një video të shkurtër të publikuar bashkë me njoftimin, shihet dhe kuptohet se si Meta AI jep përshkrime të hollësishme të një parku buzë ujit, duke përfshirë edhe përshkrimin e zonave me bar si “të mirëmbajtura mirë”.
Kjo veçori mund të aktivizohet duke ndezur opsionin “përgjigje të detajuara” në seksionin e Qasjeshmërisë në cilësimet e Pajisjes në aplikacionin Meta AI. Edhe pse aktualisht është e kufizuar për përdoruesit në SHBA dhe Kanada, Meta thotë se përgjigjet e detajuara do të “zgjerohen në tregje të tjera në të ardhmen,” por nuk dha detaje se kur apo cilat vende do ta marrin më pas.
E njoftuar fillimisht shtatorin e kaluar si pjesë e një partneriteti me organizatën Be My Eyes dhe e lëshuar në nëntor në një fazë të kufizuar në SHBA, Kanada, MB, Irlandë dhe Australi, Meta gjithashtu konfirmoi sot se veçoria Call a Volunteer do të “nisë në të gjitha 18 vendet ku mbështetet Meta AI më vonë këtë muaj.”
Përdoruesit e verbër dhe me shikim të dobët të syzeve inteligjente Ray-Ban Meta mund të përdorin këtë veçori për t’u lidhur me një rrjet prej mbi 8 milionë vullnetarësh me shikim të plotë dhe të marrin ndihmë për detyra të përditshme si ndjekja e një recete ose gjetja e një objekti në rafte. Duke thënë “Hej Meta, Be My Eyes”, një vullnetar do të jetë në gjendje të shohë ambientin përreth përdoruesit përmes një transmetimi të drejtpërdrejtë nga kamera e syzeve dhe të ofrojë përshkrime ose ndihmë të tjera përmes altoparlantëve me sistem të hapur të dëgjimit./ The Verges
