15 
Kryeministri Edi Rama ka ndarë përmes një postimi në Facebook pamje nga takimi me Sekretarin e Përgjithshëm të NATO-s, Mark Rutte, i cili ndodhet në Tiranë për Samitin e Komunitetit Politik Evropian.
Në postimin e tij, Rama theksoi se bisedimet u përqendruan në forcimin e mëtejshëm të rolit të Shqipërisë brenda Aleancës, sfidat e sigurisë në rajonin e Ballkanit dhe kontributin e vendit në kuadër të misioneve të NATO-s.
“Kënaqësi të mirëpres Sekretarin e Përgjithshëm të NATO-s, Mark Rutte, me të cilin diskutuam mbi forcimin e mëtejshëm të rolit të Shqipërisë në Aleancë, sfidat e sigurisë në rajon dhe kontributin tonë aktiv në NATO”, shkroi Rama.
