Fero ka ndezur sërish thashethemet për një krizë në jetën e tij personale. Kësaj here, në qendër të vëmendjes është marrëdhënia me bashkëshorten e tij të dytë, Nita Bajramin.
Burimet tregojnë se dyshja mund t’i ketë dhënë fund martesës së tyre, vetëm pak muaj pasi e bënë publike. Shkëndija e parë që ndezi zërat për një ndarje ishte fakti që Fero ka hequr Nitën nga lista e ndjekësve në rrjete sociale – një veprim që shpesh nuk është thjesht një “klikim”.
Ndonëse asnjëri prej tyre nuk ka konfirmuar ndonjë ndarje, mediat sociale kanë shpërthyer me spekulime, ndërsa ndjekësit e reperit dyshojnë për një përplasje të re në jetën e tij, që vjen pas një sërë ngjarjesh të bujshme.
Pas ndarjes nga Arbenita Ismajli, me të cilën ka një vajzë, Fero deklaroi se kishte filluar një kapitull të ri në jetë, duke u përkushtuar ndaj fesë islame dhe duke lënë pas të kaluarën si artist. Madje, me shumë entuziazëm tregonte se ishte dashuruar sërish, më fort se kurrë më parë.
Por për një artist si Fero, drama dhe qetësia rrallë ecin bashkë. Rikthimi i tij në muzikë dhe vendimet e fundit në rrjet, lënë të kuptohet se diçka po ndodh. Nëse kjo është një shkëputje përfundimtare apo vetëm një tjetër episod në një histori të trazuar dashurie, mbetet për t’u parë.
