Korab Rashiti, deputet në kantonin e Bernit në Zvicër, ka komentuar intervistën e kryeministrit në detyre, Albin Kurti, të dhënë mbrëmë në Radio Televizionin e Kosovës, duke theksuar se kjo ka dëshmuar se lideri i Vetëvendosjes ka përfunduar politikisht.
Në një postim në profilin e tij në Facebook, Rashiti ka shkruar se Kurti ka hyrë në një fazë të rënies të shpejtë.
Ai ka shtuar se pas intervistës, është bërë e qartë se kryetari i VV-së nuk e kontrollon më narrativin politik që dikur ia impononte publikut dhe kundërshtarëve.
“Mbrëmë në RTK, ishte e qartë për çdo shikues se Albin Kurti ka përfunduar politikisht. Ai ka humbur ndikimin mbi narrativin politik që dikur e dominonte. Edhe më keq, idetë e reja që ai tenton të paraqesë, nuk po priten mirë. E gjithë kjo na tregon se ai ka hyrë në një fazë të rënies së shpejtë”, ka shkruar Rashiti.
