Gjilan: Pesë kompani transporti gjobiten për mungesë të kontrollit teknik të autobusëve

by informim peje

Policia ka njoftuar se në rajonin e Gjilanit të martën dhe të mërkurën ka realizuar kontrolle të shtuara në mjetet e operatorëve vendorë të transportit publik ndërkombëtar të udhëtarëve nga Kosova për në linjat ndërkombëtare.

Disa prej autobusëve kanë qarkulluar në rrugë pa e kryer kontrollin teknik periodik gjashëmujor.

banner

Kështu, janë gjobitur pesë kompani transporti dhe pesë shoferë.

“Gjatë kontrolleve të realizuara në pika të ndryshme të kontrollit, janë ndalur disa autobusë të këtyre linjave, dhe pas verifikimit të dokumentacionit të nevojshëm është konstatuar se disa prej tyre kanë qarkulluar në rrugë pa e kryer kontrollin teknik periodik gjashtëmujor, ky një obligim ligjor i përcaktuar me Ligjin për Automjetet nr. 05/L-132 në Republikën e Kosovës. Si rezultat, Njësite Policore të Njësisë së Komunikacionit Rrugor në Gjilan kanë shqiptuar pesë (5) gjoba ndaj personave juridik, përfaqësues të kompanive të transportit, si dhe pesë (5) gjoba ndaj personave fizik (drejtuesve të mjeteve të transportit të udhëtarëve) të përfshirë në këtë veprimtari, në përputhje me dispozitat ligjore në fuqi.”

“Drejtoria Rajonale e Policisë në Gjilan apelon tek të gjithë operatorët e transportit publik të udhëtarëve, veçanërisht ata që veprojnë në linjat ndërkombëtare, që të respektojnë me përpikëri obligimet ligjore për të siguruar një qarkullim të sigurt dhe të përgjegjshëm në rrugë. Siguria e qytetarëve është prioritet i jonë i përbashkët.”

banner

Të ngjajshme

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy