FC Barcelona ka konfirmuar zyrtarisht rinovimin e kontratës me sulmuesin brazilian Raphael Dias “Raphinha”, i cili do të qëndrojë në “Camp Nou” deri më 30 qershor 2028. Lajmi u bë i ditur këtë të enjte përmes një komunikate zyrtare nga klubi katalanas.
Raphinha nënshkroi kontratën e re në ambientet e klubit në prani të presidentit të Barcelonës, Joan Laporta, nënkryetarit të parë Rafa Yuste dhe drejtorit sportiv Deco, ndër të tjerë.
Ky rinovim është një shenjë besimi dhe vlerësimi për kontributin e brazilianit, i cili është shndërruar në një element të rëndësishëm në projektin sportiv të Barcelonës. Me një stil loje shpërthyes dhe teknikë të lartë, Raphinha ka fituar zemrat e tifozëve dhe vlerësimin e trajnerëve.
Klubi ka vendosur të vazhdojë me të në një periudhë të rëndësishme ndërtimi dhe rikthimi në majat e futbollit evropian, ndërsa vetë lojtari ka shprehur dëshirën për të vazhduar të shkëlqejë me fanellën blaugrana
