Inter Milan po hedh sytë nga e ardhmja me ambicien për të vazhduar konkurrencën në nivelet më të larta.
Në prag të një titulli të dytë radhazi në Serie A dhe me një finale të Ligës së Kampionëve kundër PSG-së në horizont, klubi po përgatit lëvizje në merkato me fokus në përforcimin e repartit ofensiv.
Sipas Calciomercato, një nga emrat që po fiton terren në zyrat e Giuseppe Meazza-s është ai i Rasmus Hojlund.
Sulmuesi danez, aktualisht pjesë e Manchester United, ka ngjallur interesin e drejtuesve të Interit, të cilët kanë nisur të mbledhin informacion mbi situatën e tij kontraktuale dhe kushtet që do të nevojiteshin për një rikthim të mundshëm në Serie A, ku ai la përshtypje shumë pozitive gjatë kohës së tij te Atalanta.
Me largimet e pritshme të Joaquín Correa dhe Marko Arnautovic, si dhe pasiguritë rreth paraqitjeve të Mehdi Taremi-t, drejtuesit zikaltër po kërkojnë një rinovim të thellë në vijën e sulmit.
Hojlund, i ri, i fuqishëm dhe me përvojë në Itali dhe në arenën evropiane, përputhet me profilin që Simone Inzaghi kërkon për të udhëhequr repartin ofensiv sezonin e ardhshëm.
Megjithëse ende nuk ka negociata zyrtare me “Djajtë e Kuq”, Inter tashmë është futur në garë, ku edhe Juventus dhe Napoli po ndjekin nga afër çdo mundësi për të rikthyer sulmuesin premtues skandinav në Serie A.
