Presidenti i Shteteve të Bashkuara, Donald Trump, priti në Shtëpinë e Bardhë familjen shqiptare Xhaferi, në kuadër të nismës humanitare “Make-A-Wish Foundation”. Kjo fondacion i dedikohet fëmijëve dhe personave me aftësi të kufizuara, duke u mundësuar atyre realizimin e dëshirave të veçanta.
Takimi ishte i mbushur me emocione dhe ndjeshmëri, ndërsa qëllimi kryesor ishte t’i dhurohej një buzëqeshje dhe pak shpresë djalit të vogël shqiptar, i cili është pjesë e këtij programi. Momente të veçanta u shkëmbyen mes presidentit Trump dhe familjes Xhaferi, duke theksuar rëndësinë e mbështetjes dhe solidaritetit për fëmijët me nevoja të veçanta.
Në shenjë simbolike dhe me një dozë humori, Presidenti Trump i dhuroi djalit një monedhë të veçantë presidenciale, duke i thënë me buzëqeshje: “Mos e humb!”. Kjo gjest i thjeshtë, por domethënës, shtoi edhe më shumë ngrohtësi në atmosferën e takimit. Më tej, në një moment tjetër prekës, dëgjohet Trump teksa i drejtohet motrës së djalit, duke i thënë se “ai është një vëlla i mirë”.
“Make-A-Wish” është një nga organizatat më të njohura në botë, e cila ndihmon fëmijët me sëmundje të rënda. Përmes kësaj nisme, mijëra fëmijëve u janë dhuruar momente gëzimi dhe frymëzimi, duke i ndihmuar ata dhe familjet e tyre të përballojnë sfidat me më shumë kurajo dhe shpresë. Takimi i familjes Xhaferi me Presidentin Trump shërben si një dëshmi e qartë e ndikimit pozitiv që këto iniciativa kanë në jetën e njerëzve.
