Dikur një nga zonat më të populluara të Mesdheut lindor, Gaza ishte një vend i zhurmshëm, i gjallë dhe plot jetë – me tregje, shkolla, kafene dhe komunitete që i rezistonin vështirësive të përditshme.
Sot, ajo paraqitet si një mozaik rrënojash, tymi dhe dhimbjeje.
Mijëra ndërtesa janë shkatërruar, infrastruktura dhe sistemi shëndetësor janë buzë kolapsit,
Energjia elektrike, uji i pijshëm dhe ndihma humanitare janë bërë luks i pakapshëm për pjesën më të madhe të popullsisë.
Dhe këto vështirësi më së miri pasqyrohen me pamje, foto e video të publikuara në rrjete sociale.
Ndryshe, organizatat ndërkombëtare kanë ngritur alarmin për një katastrofë humanitare të përmasave të paprecedenta, duke kërkuar armëpushim urgjent dhe qasje të sigurt për ndihmat humanitare.
