Një tjetër fluturim dëbimi nga aeroporti i Hanoverit pritet të realizohet drejt Kosovës dhe Shqipërisë, duke transportuar rreth 70 azilkërkues. Kjo është raportuar nga gazeta gjermane Die Welt të hënën.
Këto masa po vijn në një kohë kur debati rreth politikave të azilit në Gjermani mbetet i ndezur. Deputeti i Unionit Demokristian (CDU), Gunter Krings, i cili i tha Die Welt se Gjermania ka nevojë për më shumë dëbime të tilla. “Ne duhet t’i intensifikojmë këto fluturime,” theksoi ai.
Sipas Krings, e drejta për azil ka dy anë. “Ne duam t’u japim mbrojtje atyre që kanë nevojë për atë – por edhe të deportojmë ata që nuk kanë nevojë për këtë mbrojtje ose që e kanë humbur të drejtën duke kryer akte dhune.” Kjo deklaratë pasqyron qëndrimin e një pjese të politikës gjermane për të balancuar ndihmën humanitare me kërkesën për zbatim të rreptë të ligjit.
Implikimet për Kosovën dhe Shqipërinë
Kthimi i këtyre personave në vendet e tyre të origjinës shpesh ngre sfida të reja për Kosovën dhe Shqipërinë, të cilat duhet të menaxhojnë integrimin e tyre dhe të ofrojnë kushte të përshtatshme. Këto dëbime janë pjesë e një politike më të gjerë të Gjermanisë për të kthyer azilkërkuesit, kërkesat e të cilëve janë refuzuar ose që kanë kryer vepra penale.
Ky zhvillim nënvizon tendencat aktuale në politikat evropiane të migracionit dhe thekson rëndësinë e bashkëpunimit ndërmjet shteteve në menaxhimin e flukseve të azilkërkuesve.
