Vetëm tre ditë pas emërimit të tij zyrtar si drejtor sportiv i Milanit, Igli Tare duket se është afër ta mbyllë marrëveshjen për trajnerin e ri që do të pasojë Sergio Conceicao në bankinën kuqezi.
Sipas medieve italiane, Tare ka shqyrtuar dy profile për bankinë, Vincenzo Italiano dhe Massimiliano Allegri.
Megjithatë, pasi trajneri i Bologna-s zgjodhi të rinovojë kontratën me klubin e tij aktual, drejtori i Milanit ka përshpejtuar kontaktet me Allegrin, një emër i njohur dhe i respektuar në “San Siro”.
Brenda 48 orësh, Tare ka bërë një hap konkret duke i ofruar teknikut nga Livorno një projekt 3-vjeçar dhe një kontratë me vlerë 5 milionë euro neto për sezon, pa përfshirë bonuset e performancës.
Burime pranë klubit milansit bëjnë me dije se në ambientet e kësaj skuadre ekziston besim i madh se marrëveshja do të mbyllet shumë shpejt.
Allegri, i cili edhe më parë ka drejtuar Milanin, duke fituar edhe një titull kampion, më gjase do të rikthehet në një klub që e njeh mirë dhe që kërkon të ndërtojë një skuadër të denjë për Serie A dhe Evropë
