Anëtari i Kryesisë së LDK-së, Muhamet Hamiti, ka vlerësuar se Kosova është në bllokadë prej jashtë dhe së brendshmi.
Ai ka bërë me dije për fajin e Qeverisë, ekonomia e Kosovës dhe qytetarët po vuajnë prej sanksioneve të BE-së.
Në profilin e tij në “Facebook”, Hamiti ia ka rikujtuar Qeverisë Kurti shkeljet e Kushtetutës dhe ligjeve.
“Kosova në bllokadë prej jashtë dhe së brendshmi. Për fajin e Qeverisë, ekonomia e Kosovës, qytetarët tanë, po vuajnë prej sanksioneve të BE-së. Qindra milionë euro të pezulluara në këto dy vjet. Edhe bllokadën e brendshme prej kësaj Qeverie të Vetëvendosjes e kemi, të Qeverisë që e ‘lufton’ me propagandë korrupsionin që e bën vetë. Qeveri e shkeljeve rekorde të ligjeve dhe të Kushtetutës së Republikës së Kosovës është kjo, që nuk do të shkojë. Albin Kurti me të vetët po sillen sikur të jenë mbi ligjin. Mendojnë se fakti se kanë dalë të parët në zgjedhje i kualifikon të rrijnë mbi ligjin. “Lëvizja e popullit” po i thonë vetes.”, ka shkruar Hamiti.
