Një aksident i rëndë trafiku ka ndodhur pasditen e së shtunës, më 31 maj 2025, në fshatin Grazhdanik të Komunës së Prizrenit, ku për pasojë ka humbur jetën një i mitur, ndërsa dy persona të tjerë kanë mbetur të lënduar.
Sipas raportimit të gazetarit Nuhi Salihu në emisionin “Ora 7” në Klan Kosova, aksidenti ka ndodhur rreth orës 18:15 në rrugën “Besim Shala”, pranë kryqëzimit me rrugën “Xholi i Sherifit” që lidh fshatin Atmaxhë. Në këtë ngjarje u përfshinë një veturë dhe një motoçikletë, ku ndodhej i mituri.
Pas përplasjes, viktima është transportuar me urgjencë në Qendrën Klinike Universitare të Kosovës (QKUK) në Prishtinë. Pavarësisht përpjekjeve të mjekëve, mëngjesin e së dielës, më 1 qershor, u konstatua vdekja e tij.
Autoritetet lokale dhe njësitë e trafikut kanë dalë në vendin e ngjarjes për të hetuar shkaqet e aksidentit. Ndërkohë, dy personat e tjerë të përfshirë në aksident janë duke u trajtuar për lëndime trupore.
Pas aksidentit, motoçiklisti i mitur u dërgua me urgjencë në QKUK të Prishtinës, dhe më 1 qershor 2025, mjekët konstatuan vdekjen e tij.
