Fabrizio Romano ka konfirmuar se Jobe Bellingham dhe Borussia Dortmund kanë arritur marrëveshje për kushtet personale. Mesfushori pritet të nënshkruajë një kontratë pesëvjeçare me klubin gjerman.
Borussia Dortmund do të vazhdojë tani bisedimet për ta finalizuar marrëveshjen me Sunderland në ditët në vijim. Klubi synon ta mbyllë transferimin para datës 10 qershor.
Jobe ka qenë një figurë kyçe në suksesin e Sunderlandit, duke bërë 85 paraqitje dhe shënuar 11 gola që nga ardhja nga Birmingham City në vitin 2023, derisa paraqitjet e tij kanë tërhequr interes nga klube si Chelsea, RB Leipzig dhe Eintracht Frankfurt.
Megjithatë, talenti anglez ka zgjedhur të ndjekë hapat e vëllait të tij Jude duke u transferuar në Dortmund. Ai është ndikuar nga filozofia zhvilluese e klubit dhe lidhja familjare me ambientin e verdhezinjve.
Drejtori sportiv i Dortmundit, Sebastian Kehl, ka luajtur rol kyç në bindjen e lojtarit dhe familjes së tij, përfshirë edhe vizita personale për të përshpejtuar marrëveshjen.
Sunderland pritet të përfitojë ndjeshëm financiarisht nga ky transferim. Klubi e kishte blerë Bellingham për vetëm 3 milionë funte, ndërsa Birmingham City do të përfitojë 15% nga shitja përmes një klauzole të mëparshme.
Transferimi i Bellingham tek Dortmundi nënvizon angazhimin e klubit për të zhvilluar yjet e së ardhmes, duke i ofruar Jobe një mundësi unike për të përparuar në një nga ligat më të forta në Evropë.
