Në qytetin Graz të Austrisë, sot rreth orës 10 të mëngjesit ka ndodhur një të shtënë në shkollën e mesme BORG Dreierschützengasse, ku deri tani janë konfirmuar dhjetë viktima.
Sipas informacionit të deritanishëm, kanë humbur jetën disa nxënës, një person i rritur dhe sulmuesi.
Sulmuesi dyshohet të ketë qenë një nxënës i kësaj shkolle, i cili më parë kishte pretenduar se ishte viktimë e ngacmimeve në shkollë.
Gazeta Kronen Zeitung raporton se sulmuesi ka qëlluar në dy klasa dhe më pas është gjetur i vdekur në një nga tualetet, gjë që është konfirmuar edhe zyrtarisht nga kryetarja e bashkisë, Elke Kahr
Në internet ka qarkulluar një video ku dëgjohet të shtënat në oborrin e shkollës, si dhe kaosi që ka ndodhur brenda klasave të shkollës.
Exklusives Video:💥Hier hört man die Schüsse in der Grazer Schule
— AUF1 (@AUF1TV) June 10, 2025
Schockierend! AUF1 hat soeben ein exklusives Video erhalten, in dem die Schüsse in der Grazer Schule zu hören sind. Das Video wurde in einem Klassenzimmer des BORG gefilmt.
👉🏻 AUF1 bleibt für Sie dran – folgen… pic.twitter.com/xJ0r7glyCK
Sipas informatave të gazetës Krone, shërbimi i urgjencës dhe dhoma e traumës në spitalin Graz LKH janë aktualisht të mbingarkuara pas ngjarjes.
Informacionet më të fundit tregojnë se sulmuesi dyshohet të jetë një ish-nxënës 22-vjeçar, i cili sipas të dhënave të papërfunduara, ka pasur në mënyrë të ligjshme armë – një pistoletë dhe një pushkë gjuetie që i kishte me vete, sipas gazetës Salzburger Nachrichten.
🚨🇦🇹 HORROR IN AUSTRIA: SCHOOL SHOOTING SHOCKS GRAZ
— NewsDaily🪖🚨🪖 (@XNews24_7) June 10, 2025
Tragedy strikes BORG Dreierschützengasse school in Graz, Austria, as a devastating shooting leaves multiple dead, including students & teachers, with many injured. 💔
Reports suggest at least 11 lives lost, though officials… pic.twitter.com/suM2vOpZFn
Një nga dy klasat në të cilat ka qëlluar ishte klasë ku ai më parë ka studiuar.
Shumica e ngjarjeve politike në Austri janë anuluar, ndërsa ministri i punëve të brendshme, Gerhard Karner (ÖVP), është në rrugë për në Graz.
Përveç njësive speciale të policisë, janë angazhuar edhe disa helikopterë të Ministrisë së Punëve të Brendshme.
