Analisti Yll Hoxha, ka thënë se klasa politike në Kosovë ka marrë vendime të mëdha për energjinë pa pasur as vizion real, as kapacitet intelektual e organizativ për t’i zbatuar ato.
“E keni vendos ligjin që thotë ‘kam me bo qeta’ dhe e keni pranu procesin. S’po t’thom ty personalisht, po i thom komplet shoqërisë. Keni thënë ‘na hymë në liberalizim të tregut të energjisë’, ‘hekim dorë prej qymyrit’, ‘dojmë me hi në politikat e energjisë së pastër’…”, deklaroi Hoxha.
Ai ironizoi faktin që një vend si Kosova, me varfëri dhe pa investime të huaja, ka vendosur të braktisë qymyrin – burimin e saj kryesor – për të ndjekur politika evropiane pa një plan të qartë për zbatim.
“Fukaraja don me hi me energji të pastër, keni thanë ju, qekjo shumicë, tu e ditë që jeni fukara, tu e ditë që s’hin biznes në Kosovë me investu një cent. Kemi mujt me i favorizu veç me energji, por keni thënë ‘jo, ne me proplera e prodhojmë’. Tu pas qymyr, tu flejt mbi qymyr.”
Ai ka akuzuar drejt për drejt politikën për mungesë të përgjegjësisë dhe për dështim në zbatimin e vendimeve që vet i kanë nënshkruar në Bruksel. “Kur vjen me zbatu vendimin që del aty në fotografi në Bruksel, thotë unë jam pro-evropian, e kur ta sheh pasojën reale, thotë jo, gabim, se po i lejshim krejt bizneset pa punëtor. Po po i lojmë pa punëtor, se qat kapacitet intelektual nuk e kemi pas kur kemi fol, ose e kemi pas atë moment, po mandej s’kemi pas kapacitet organizativ me e zbatu.”
