Lidhja Demokratike e Kosovës, përmes një komunikate për media ka njoftuar se nesër me datë 12 qershor, do të mbajë konferencë për media ku kryetari i kësaj partie, Lumir Abdixhiku do të shpalosë agjendën 15 pikëshe të Qeverisë së Unitetit Kombëtar,
Konferenca siç bëhet e ditur, do të mbahet në selinë qendrore të LDK-së.
Ndryshe, vendi gjendet në një krizë politike me moskonstituimin e Kuvendit, për shkak se kandidatja e Lëvizjes Vetëvendosje, për kryetare të parlamentit, Albulena Haxhiu, s’po arrin t’i sigurojë votat e nevojshme për këtë pozitë.
Përderisa VV-ja insiston në Haxhiun, partitë e tjera kanë kërkuar që kandidatja të ndërrohet dhe të propozohet dikush që sipas tyre do të jetë më e pranueshme.
Në këtë vijë, LDK ka propozuar idenë e krijimit të një qeverie nacionale të tranzicionit, me afat të caktuar.
