51 
Policia e Kosovës, në bashkëpunim me Prokurorinë Themelore në Prishtinë, po zhvillon sot e enjte një aksion të zgjeruar në ambientet e Ministrisë së Mjedisit, Planifikimit Hapësinor dhe Infrastrukturës (MMPHI).
Sipas burimeve të “Betimi për Drejtësi”, gjatë këtij operacioni janë arrestuar tri zyrtare të kësaj ministrie, të dyshuara për përfshirje në veprime të kundërligjshme. Detaje rreth akuzave konkrete ndaj tyre ende nuk janë bërë të ditura nga autoritetet hetuese.
Ky aksion vjen pak ditë pas një tjetër operacioni policor të zhvilluar më 29 maj në Prishtinë, Gjilan dhe Gjakovë, ku u arrestuan 11 persona të dyshuar për keqpërdorime lidhur me lëshimin e patentë shoferëve.
