Në 34-vjetorin e krijimit të Partisë Socialiste, urimet dhe reflektimet për rrugëtimin e kësaj force politike nuk kanë munguar. Ish-ministri dhe një nga figurat e njohura të së majtës, Arben Malaj, ka uruar të gjithë socialistët dhe ka shprehur mirënjohjen për ata që, sipas tij, e duan atdheun me sinqeritet
Malaj rikujtoi mbështetjen që ka marrë në fillim të viteve ’90 nga shkrimtari i madh Dritëro Agolli, duke e cilësuar atë si një zë të fuqishëm në përpjekjet e PS për t’u kthyer në një forcë fituese, sidomos gjatë viteve të vështira të opozitës (1992-1997). Ai kritikoi mënyrën sesi, sipas tij, ndryshoi struktura e partisë pas vitit 2005, duke kaluar nga një model kolegjial drejt një lidershipi të përqendruar, veçanërisht pas ndryshimeve kushtetuese të vitit 2008
“Kam pasur përplasjet e mia në PS. Por nuk kam ikur kurrë në një parti tjetër. Besnikëria dhe mirënjohja ndaj socialistëve më kanë mbajtur këtu,” tha Malaj, duke shtuar se “ajo që s’të vret, të bën më të fortë, dhe unë sot ndihem i tillë”. Ai u shpreh kritik ndaj liderëve me mandate të gjata, duke i krahasuar me figura autoritare historike, dhe theksoi se “problemi nuk është populli, por liderët”. Në fund, Malaj dha një mesazh të qartë: “Më mirë një ‘xhaketë e vjetër’ sesa rrobe të reja firmato që iu vjen era ndot,” duke aluduar për imazhin e rremë që, sipas tij, po ndërtohet në politikën shqiptare sot.
Arben Malaj, ish-ministër i PS: Kam ndjerë mbështetjen e Dritëro Agollit në fillim të viteve 1990 dhe jam tepër mirënjohës. PS ishte në opozitë më 1992-1997 dhe ishte përballë një regjimi gjakatar dhe Agolli ka qenë një zë i fortë se çfarë duhet të bëjë PS që të fitojë. Sot PS është kthyer në Rilindje dhe momenti më kritik ishte më 2008, kur kryetarët e partive u kthyen në pronarë të partive. PS deri më 2005 ishte shembull edhe për partitë e tjera, ndërsa më pas Partia Socialiste bëri të fuqishëm liderin.
Gëzuar të gjithë socialistëve, mirënjohje ndaj atyre që e duan atdheun sinqerisht. Kam pasur përplasjet e mia te PS, e panoj. Është një shprehje që ajo që s’të vret, të më në më të fortë, ndaj sot jam i tillë, pra i fortë. Nuk kam ikur asnjëherë te një parti tjetër, sepse mirënjohja ime ndaj socialistëve është e madhe. Liderët politikë me mandat të gjatë janë liderë autoritarë, Hitleri, Musolini etj kanë qëndruar gjatë, por kjo nuk tregon se je demokratik. Fajin nuk e ka populli, por liderët. Populli votoi jo vetëm Ramën, por edhe Berishën, Majkon, Metën etj. Më mirë një “xhaketë e vjetër” sesa rrobe të reja firmato që iu vjen era ndot. Është kapur shteti, teksa krimi vendos kuadro të lartë qeveritarë. Ka mungesë kulture shtet-formuese te politikanët sot. Nuk ka më meritokraci tek Rilindja
