Një yll i Manchester United thuhet se ka pranuar se nuk e di nëse do të jetë ende në klub kur të fillojë sezoni i ri.
Sezoni 24/25 ishte vërtet për t’u harruar për United, pasi ata përfunduan në vendin e 15-të në Premier League.
Përveç kësaj, ata u mposhtën 1-0 nga skuadra tjetër e Premier League, Tottenham Hotspur, në finalen e Europa League, që do të thotë se nuk do të luhet futboll evropian në Old Trafford në sezonin e ardhshëm.
Deri më tani, Djajtë e Kuq kanë siguruar tashmë nënshkrimin e Matheus Cunha nga Wolverhampton Wanderers dhe janë lidhur me lojtarë si Bryan Mbeumo dhe Viktor Gyokeres.
Gjithashtu pritet që disa largime të ndodhin në Old Trafford këtë verë.
Kohët e fundit, portieri Andre Onana pranoi se e ardhmja e tij mbetet e pasigurt.
Siç raportohet nga Daily Mail, Onana u ndalua nga gazetari Stephane Bassalia Ouattara këtë javë.
Kur u pyet për të ardhmen e tij, 29-vjeçari tha: “A do të largohem? Nuk e di, do ta shohim!”
Që kur u transferua në klub nga Interi në vitin 2023, Onana ka qenë nën vëzhgim të ashpër pasi bëri disa gabime të kushtueshme. Është thënë se ai ka tërhequr interes nga Arabia Saudite.
Ndërkohë, United kohët e fundit është lidhur me portierin e Aston Villas, Emiliano Martinez.
