23 
Deputeti i zgjedhur i LDK’së, Alban Zogaj, i ka reaguar kryeministrit në detyrë Albin Kurti pasi ky i fundit tha se deputetët po e shkelin Kushtetutën duke mos votuar për kryeparlamentar.
Zogaj ka thënë se “ai që e shkel Kushtetutën çdo ditë, sot na akuzoi neve për shkelje të saj”.
Ai ka shtuar se Kurti mban dy pozita në kundërshtim me Kushtetutën.
“Ai që e shkel Kushtetutën çdo ditë, sot na akuzoi neve për shkelje të saj! Deputeti Kurti i cili po mban dy pozita në kundërshtim me Kushtetutën, e i cili e ka shkelur mbi 10 herë vetëm në këtë mandat, po na akuzon ne për shkelje të Kushtetutës. Çfarë komedie! Hipokrizia e tij nuk njeh kufi! Ai flet për rregulla vetëm kur i duhen atij për propagandë!”
