Chelsea po kryeson garën për të nënshkruar me anësorin e Borussia Dortmund, Jamie Gittens, me negociata të reja që janë duke u zhvilluar midis klubeve.
Të dyja palët po punojnë drejt një marrëveshjeje me vlerë rreth 65 milionë euro, sipas Florian Plettenberg.
Lojtari ka arritur tashmë një marrëveshje verbale me Chelsean për një kontratë deri në vitin 2032, duke sinjalizuar dëshirën e tij të fortë për t’u bashkuar me klubin londinez.
Ndërkohë, Bayern Munich mbetet i interesuar, por ka zhvilluar vetëm diskutime të brendshme dhe ka folur me agjentët e Gittens, pa negociata apo takime zyrtare me Dortmundin deri më tani.
Hapi tjetër i takon Chelseat të paraqesë një ofertë zyrtare dhe të përshtatshme.
Një gjë është e qartë – Jamie Gittens do të largohet nga Dortmund këtë verë, me Chelsean aktualisht në pozicionin e parë për të siguruar nënshkrimin e tij
