134 
Deputetja e Partisë Demokratike të Kosovës (PDK), Vlora Çitaku, ka kritikuar kryeministrin në detyrë Albin Kurti.
Ajo përmes një stautsi në Facebook, të dielën, ka thënë se Kurti në takim me liderët e partive politike kërkoi vetëm t’i nënshtrohen atij.
Çitaku tha se Kurti nuk ofroi as kompromis, reflektim e as zgjidhje.
“Sipas logjikës së Albin Kurtit, mjafton një takim që nënshtrimi dhe diktati të maskohen si kompromis. Në takimin me liderët politikë, Albin Kurti nuk ofroi as marrëveshje, as kompromis. Nuk ofroi as reflektim, as zgjidhje. Na kërkoi vetëm një gjë: t’i nënshtrohemi vullnetit të tij. Pa kushte. Pa debat. Pa demokraci. Kaq”, ka thënë ajo.
