Koreja e Veriut do të dërgojë ushtarë në Rusi për të luftuar me Ukrainën. Paralajmërimin e kanë bërë shërbimet e inteligjencës Ukrainase duke dhënë detaje nga marrëveshja e Moskës me Penianin.
Shërbimet e inteligjencës ukrainase paralajmërojnë se Koreja e Veriut po planifikon të dërgojë rreth 30,000 ushtarë të rinj mbështetje për Rusinë.
Sipas tyre Moska po përgatit mjete dhe pajisje për t’i mbështetur këta ushtarë, dhe po organizon transportin e tyre me avionë dhe anije, veprime të cilat CNN thotë se i ka verifikuar përmes imazheve satelitore.
Trupat mund të mbërrijnë në muajt e ardhshëm shkruan CNN duke iu shtuar 11,000 ushtarëve të dërguar në nëntor në rajonin Kursk të Rusisë.
Rreth 4,000 prej tyre u vranë gjatë vendosjes, por kjo nuk e ndaloi bashkëpunimin e Penianit me Moskën.
Dokumenti i lexuar nga CNN thotë gjithashtu se ka shenja se avionët ushtarakë rusë po rinovohen për të transportuar personel, duke e bërë kalimin e trupave të huaja nëpër Siberinë ruse, e cila ka një pikë takimi kufitare me Korenë e Veriut në jugperëndimin e saj të largët.
