93 
Kryetari i Aleancës për Ardhmërinë e Kosovës (AAK), Ramush Haradinaj, ka uruar Shtetet e Bashkuara të Amerikës me rastin e Ditës së Pavarësisë, duke i cilësuar si një aleate historike dhe mike të pazëvendësueshme për popullin e Kosovës.
Përmes një postimi në rrjetet sociale, Haradinaj shkroi:
“Urime Dita e Pavarësisë, Shtetet e Bashkuara të Amerikës! Një aleate historike, një mike e pazëvendësueshme për Kosovën!
Happy Independence Day!”
Ky mesazh vjen në ditën kur SHBA-të shënojnë 249-vjetorin e shpalljes së Pavarësisë, një datë me rëndësi të veçantë edhe për Kosovën, e cila prej dekadash gëzon mbështetjen e fuqishme të Shteteve të Bashkuara në proceset e saj shtetformuese dhe demokratizuese.
