Forcat ruse nisën një sulm masiv ndaj më dhjetëra objektivave në kryeqytetin ukrainas gjatë natës, duke përfshirë zona banimi. Kjo është bërë e ditur për mediat nga Tymur Tkachenko, kreu i administratës ushtarake të Kievit, duke shtuar se të paktën tetë persona u plagosën dhe disa ndërtesa shumëkatëshe u dëmtuan në dy lagje të qytetit.
Sipas raporteve të medias ukrainase, alarmi u ngrit në orët e para pas mesnatës, kur Forcat Ajrore Ukrainase zbuluan lëshimin e disa raketave, duke përfshirë të paktën një raketë balistike të drejtuar kryeqytetit.
Pak më pas, u dëgjua një shpërthim i fuqishëm dhe kolona tymi u ngritën në pjesë të ndryshme të qendrës së qytetit. Dronët u dëgjuan duke fluturuar mbi zonë.
Vala e re e sulmeve vjen disa orë pas telefonatës gati njëorëshe midis presidentit të SHBA-së Donald Trump dhe presidentit rus Vladimir Putin.
Trump pranoi se nuk ishte bërë përparim drejt një marrëveshjeje armëpushimi, duke përmendur ngërçin diplomatik dhe tensionin në rritje në frontin ukrainas.
Putin, nga ana e tij, konfirmoi se Rusia nuk kishte ndërmend të tërhiqej nga qëllimet e saj të deklaruara.
