Një prej mbrojtësve të kampionëve të La Ligas, Barcelona, ka refuzuar një ofertë transferimi nga skuadra arabe Al-Nassr gjatë kësaj vere.
Sipas mediumit spanjoll Diario Sport, bëhet fjalë për Andreas Christensen.
E ardhmja e qendërmbrojtësit danez ka qenë temë e përhershme në mediat katalanase javët e fundit.
Kjo vjen pasi drejtori sportiv i Barcelonës, Deco, konfirmoi në një intervistë për La Vanguardia se klubi synon të largojë të paktën një nga qendërmbrojtësit me përvojë për sezonin e ardhshëm.
Duke pasur parasysh se Christensen ka mbetur vetëm me një vit kontratë dhe vjen pas një sezoni të vështirë të mbushur me lëndime, mediat e identifikuan shpejt si kandidatin më të mundshëm për largim.
Megjithatë, nëse i besohet raportimeve më të fundit nga Spanja, ish-mbrojtësi i Chelseat duket i vendosur të qëndrojë në ‘Camp Nou’ deri në përfundim të kontratës së tij.
Sipas Sport, Christensen është i vendosur të përmbushë vitin e fundit të marrëveshjes me Barcelonën dhe të bëhet pjesë kyçe në planet e trajnerit të ri, Hansi Flick.
Madje, 29-vjeçari ka refuzuar një ofertë të majme nga Al-Nassr, skuadra e Cristiano Ronaldos, duke hedhur poshtë një pagë shumë të lartë për të qëndruar në Kataloni
