Autoritetet belge njoftuan sot se kanë kthyer në Egjipt një sarkofag 3,000-vjeçar që u sekuestrua nga policia në Bruksel në vitin 2015.
“Pas 10 vitesh hetimesh dhe procedurash ligjore, është vërtet një akt drejtësie të kthehet në vendin e origjinës një pjesë e vjedhur e trashëgimisë së saj (kulturore)”, tha prokurori Julien Moinil.
Zyra e prokurorit të Brukselit tha se sarkofagu dhe një objekt më i vogël – një mjekër prej druri – iu dorëzuan ambasadorit egjiptian në një aktivitet të veçantë në kryeqytetin belg.
Antikitetet u sekuestruan nga policia belge në vitin 2015, pas një operacioni të Interpolit, i cili ishte informuar nga autoritetet egjiptiane. Që atëherë ato janë mbajtur në Muzeun Mbretëror të Artit dhe Historisë në Bruksel.
🇧🇪🇪🇬 Today, Belgium returns two ancient Egyptian artefacts. This was made possible through coordinated efforts between “Team Belgium” (Foreign Affairs, Justice & Public Prosecutors) and Egyptian authorities.
— 🇧🇪 Belgium MFA (@BelgiumMFA) July 11, 2025
Belgium remains committed to protecting global cultural heritage. pic.twitter.com/L5ET3M2o1Q
