Franca dhe Anglia janë kualifikuar në çerekfinalet e Kampionatit Evropian për femra që po mbahet në Zvicër.
Franca mundi Holandën, me rezultat 5-2, të dielën mbrëma në kuadër të xhiros së tretë në Grupin D.
Taletti (22’), Katoto (61’) dhe Cascarino (64’, 67’), shënuan për fitoren e skuadrës franceze e cila si lideri i grupit më nëntë pikë të tubuara kalon në rundin tjetër, derisa për Holandën, e cila këtu e mbyll aventurën në këtë Evropian, realizuan Pelova (26’) dhe Bacha (41’, autogol).
Fitore tejet të rëndësishme dhe të thellë ka shënuar Anglia, e cila deklasoi Uellsin, me rezultat 6-1. Stanway (13’), Toone (21’), Hemp (30’), Russo (44’), Mad (73’), Beveer-Jones (89’) dhe Karchaoiu (90+2’), realizuan për Anglinë, e cila me gjashtë pikë të tubuara kalon në rrethin tjetër të këtij eventi futbollistik, kurse, Uellsin golin e nderit e shënoi Cain (63’).
