115 
Shumë njerëz e nisin ditën me një filxhan kafeje, por ekspertët sugjerojnë se kjo mund të mos jetë koha më e mirë për ta konsumuar.
Kjo për shkak se pas zgjimit, trupi prodhon në mënyrë natyrale hormonin kortizol, i cili rrit vigjilencën.
Pirja e kafesë gjatë kësaj kohe mund të ketë efekt më të dobët dhe madje të çojë në nivele më të larta të kortizolit, çka mund të dëmtojë sistemin imunitar nëse ndodh shpesh.
Koha më e përshtatshme për të pirë kafe është ndërmjet orës 9:30 dhe 11:30 të mëngjesit, kur nivelet e kortizolit fillojnë të bien.
Edhe pse nuk ka dëshmi të forta që kjo sjell më shumë përfitime, shumë njerëz mund të ndiejnë një efekt energjik më të madh nëse shtyjnë pak filxhanin e parë të kafesë.
