Gigi Hadid dhe Ines De Ramon po shijojnë gjithnjë e më shumë shoqërinë me njëra-tjetrën – dhe kjo miqësi e re duket se po shndërrohet në një mundësi të re bashkëpunimi.
Sipas RadarOnline.com, dyshja është parë shpesh në takime të dyfishta me partnerët e tyre të famshëm, Bradley Cooper dhe Brad Pitt.
Një burim pranë çiftit ka zbuluar se Gigi dhe Ines po forcojnë lidhjen e tyre dhe madje kanë filluar të flasin seriozisht për një projekt të përbashkët.
“Gigi i ka dhënë Ines disa këshilla për linjën e saj të bizhuterive, por tani po diskutojnë edhe për një bashkëpunim në fushën e modës,” ka thënë burimi. “Brad dhe Bradley e mbështesin plotësisht këtë ide – madje janë entuziastë për të.”
Kujtojmë që Ines De Ramon ka qenë në një lidhje me Brad Pitt që prej vitit 2022, ndërsa Gigi Hadid e konfirmoi lidhjen me Bradley Cooper në rrjetet sociale në maj të këtij viti.
Ndërkohë që fansat mezi presin që çiftet e famshëm të hedhin hapin e radhës në marrëdhëniet e tyre, burime pranë tyre zbulojnë se Ines dhe Brad janë duke u përpjekur të bëhen prindër, ndërsa Gigi shpreson që së shpejti të marrë një unazë fejese nga Bradley Cooper.
Me sa duket, përveç romancës, miqësisë dhe modës, në horizont ka edhe shumë zhvillime të tjera për të ndjekur.
