77 
Një incident me armë zjarri ka ndodhur të premten në mesditë në rrugën “Sheshi i Arbërit” në Prishtinë, ku, sipas policisë, janë dëgjuar të shtëna gjatë një ahengu.
Njësitë policore kanë dalë menjëherë në vendin e ngjarjes dhe kanë gjetur e konfiskuar 34 gëzhoja.
Gjatë kontrollit në shtëpinë ku po zhvillohej festa, nuk është gjetur asgjë e dyshuar.
Hetimet lidhur me rastin janë në vazhdim, ndërsa autoritetet nuk kanë dhënë ende informacione për personat e përfshirë apo për ndonjë të arrestuar.
“Rasti mbetet nën hetim”, thuhet në raportin zyrtar të policisë.
