Bruksel – Bashkimi Evropian ka miratuar sot një paketë investimi prej 87.7 milionë eurosh në kuadër të Planit të Rritjes për Ballkanin Perëndimor, duke përfshirë Shqipërinë, Malin e Zi dhe Serbinë në fazën e dytë të financimit për projekte në sektorin e energjisë së pastër. Kjo shumë është aprovuar nga Bordi Operacional i Kornizës për Investime në Ballkanin Perëndimor (WBIF).
Sipas njoftimit zyrtar, investimet e reja do të përqendrohen në përmirësimin e rrjeteve të energjisë, modernizimin e hidrocentraleve dhe zhvillimin e zgjidhjeve për ngrohje me energji diellore, duke kontribuar në tranzicionin drejt energjisë së gjelbër dhe qëndrueshmërisë në rajon.
Ndërkohë, Kosova mbetet i vetmi vend i Ballkanit Perëndimor që nuk ka përfituar as pagesën e parë nga Plani i Rritjes. Edhe pse ka dorëzuar zyrtarisht Agjendën e Reformave, për shkak të bllokadës së zgjatur institucionale dhe mungesës së Kuvendit dhe Qeverisë funksionale, marrëveshja me BE-në nuk është ratifikuar.
Zyrtarë të BE-së kanë shprehur shqetësimin për situatën politike në Kosovë, e cila po e pengon vendin që të përfitojë nga fondet zhvillimore dhe mbështetja financiare që parashihet për rajonin.
Kjo është hera e dytë që Kosova mbetet jashtë skemës së financimit, ndërsa vendet fqinje vazhdojnë të ecin përpara në përfitimin e fondeve të rëndësishme që synojnë përshpejtimin e integrimit evropian dhe zhvillimin ekonomik të qëndrueshëm.
A package of €87.7 million for clean-energy investments in 🇦🇱🇲🇪🇷🇸 has been approved by @TheWBIF Operational Board.
— EU Enlargement & Eastern Neighbourhood 🇪🇺 (@eu_enlargement_) July 22, 2025
Under the 🇪🇺 Growth Plan for the Western Balkans, these investments will:
💡 Bolster power grids
💧 Upgrade hydropower plants
☀️ Provide solar heating solutions
